საქართველოს თავდაცვის მინისტრის პირველი მოადგილე ლელა ჩიქოვანი ნატოს თავდაცვის ინსტიტუციებისა და შესაძლებლობების განვითარების დირექტორს მარკ დი პაოლოს შეხვდა.

შეხვედრაზე მხარეებმა ნატო-საქართველოს თანამშრომლობის მექანიზმებზე და სამომავლო გეგმებზე ისაუბრეს. ყურადღება გამახვილდა საქართველოს ევროატლანტიკურ სტრუქტურებში გაწევრიანების მისწრაფებებზე და თავდაცვის უწყებაში მიმდინარე რეფორმებზე, რომელიც თავდაცვის ძალებში სოციალური პირობების გაუმჯობესებასა და ინფრასტრუქტურის განვითარებას ითვალისწინებს.